16th july 2011

Waqt itni tayzi se guzarta hai ke hum bas yeh sochtay hi rehjatay hain
ke kaash hum uss ek lamhay ko thori aur dayr mehsoos kar patay. Bas
itni aur dayr takay jab agli dafs hum sochnay baithayn tph woh din,
aur woh lamha humayn istarha aur iss safai se yaad ho ke haath barhayn
aur chhoo sakayn.
Lekin jab waqt ruk jata hai na, uss say zyada painful moment koi nahi hota.

15th july 2011

Pani kitna pure aur serene hota hai na? Aur samandar ka shor
>>>> kitna soothing hota hai. Paya hai leheron ki itni awaz kyun hoti hai?
>>>> Kyunke it bears everyones secrets. Paani mitti par se mita toh deta
>>>> hai lekin woh lafx apnay saath lejata hai. Aur jo shor hota hai, woh
>>>> unlogon ki batayn hoti hain.

14 july 2011

Socho, agar khayal na hotay toh kya hota? Zabaan na hoti toh khayal
kaisay hotay?
Aur jo society nay rules banadiye hain woh na hotay toh kya hota? Agar
larkay ke bajaye larki propose karday toh koi ghalat baat toh nahi.

Kabhi kabhi socho toh lagta hai yeh rishtay kuch nahi hotay. Shadi ke.
Ke ap akele bhi reh saktay hain. Lekin human innate needs are so
strong that they rule our thougts.

Zindagi main tum sirf wohi cycle poori karnay toh nahi aye jp sadiyon
se chalti arahi hai. Woh sab kiya toh zindagi ko samjhanay ka time kab
nikala?

Itna kuch hai karnay ko. Aur waqt bohut kam hai. Lekin phir bhi hum 2
cheezon ke hi peechay bhaagtay hain. Paisa aur woh ek shakhs. Your
special someone.
Zaruri toh nahi hai

Itna khula aasmaan hai, itna gehra samandar. Dono main se kisi main
bhi khogaye toh rang hi rang milaynge.

14th july 2011

Then in the morning a friend of mine showed me her film she made for
her class, it continued the thinking streak.
Mujhe nahi lagta ke meri zindagi itni zyada sad hai.
Ya bohut tragic hai.
Shayad kisi ki nahi hoti, ya hoti bhi ho.
Lekin meri nahi hai. shayad maine khud hi bana di?
Lekin then I also think ke jab insaan itna strong rehta hai, toh ek
time zaroor ata hai jab woh aur kuch nahi bare karsakta.
Lekin kya mera woh time agaya tha? ya hai?
Am I too young for that? Or is there no age?
Lekin phir meri poori zindagi pari hai aur mujhe itna kuch dekhna hai,
breaking up like this would just make me weaker.

Kaash mujhe parhna na parta, not because I dont like it. But because
then Id be able to roam around freely and do what I like.
Hunt for myself and my passions.
Jis tarha movies main hota hai? bilkul waisa break.

Kabhi kabhi sochti hoon ke agar koi rishta na hota, koi dost na hota
toh kaisi zindagi hoti.
Kaisa hota kisi ko naa jan'na aur naa pehchan'na.
Baghair kisi expectation ke zindagi guzarna
Bus diye jana kisi umeed ke bagahair.

Kahin kho jana kabhi,
Kabhi din guzarna sahil ki kinaray
Jab koi poochnay wala naa ho.
Bas apnay khayal hon aur khud
Rayt ho, sochayn hon aur paani.

Ab aanay ki zaroorat nahi,
Tum ko,
ab,
Aanay ki zaroorat nahi,
Darwazy band hai,
Chabiyan khoyi
Dil toh pehle bhi nahi tha,
Ab toh bilkul aanay ki umeed nahi
Tum ko bhi, ab aanay ki zaroorat nahi.

Khaali thay,
Achay thay
Na umeeden thi,
Na khwaab,
Na kisi ka sahara thay
Na kisi ki zaroorat,
Khaali hi rehne do
Jalay banay rehne do
Jhaarnay se dhool aayegi
Tumhen aankhon main na chubh jaaye
Jaisay thay
Waisay hi rehne do

Bandishen; dil ki, Zehen ki ,Rooh ki, Khudi ki,
Ranjishen; Zaat se, zamane se
Umeeden; tooti; Kirchiyon jaisi
Arzoo; moam jaisi
Khusboo; hawa jaisi
Mohabbat; tere jaisi, mere jaisi
Saath; jaisay khwaabon ka aur aankhon ka

Toh kholde woh girhen, tor de bandishen,
Jo tu ne apne zehen main janam din, aur paalin
Beh jaa, waqt ki lehr main
Aur mita de woh khauf umeeden tootne ka
Arzoo-en pighalne ka
Ke agar tujhe khudse mohabbat na hui,
Toh doosra bhi kabhi samajh nahi sake ga

Aarzooayen aur khwahishayn jo adhoori rehjayen woh hi sahi hoti hain

Behtar hoti hain.

Kyunke jo humain nahi mila us ki qadar toh itni hai ke zameen aur asmaan ek karden. Lekin jo hai. Woh bus hai.

Uss say koi farq nahi parta. Zaroori nahi ke woh koi shakhs ho.

Jaisay paani hai, asmaan hai, kapray hain aur saansayn hain.

Jaisay kabhi samandarr ko orh kar bhi soye toh kaafi nahi hoga.